廣州味蕾美食推薦（廣州原來有咁多獨特飲品）
2023-04-25 12:50:20
尋日
可樂君為大家介紹咗
廣州市內各式特色料理，
大家睇咗未？
有冇揀出自己心水呢？
☟
嗱~
除咗美味嘅特色料理，
廣州仲有好多充滿奇思妙想嘅
特色飲料或cocktail，
今期可樂君帶你哋一齊look look！
2020 follow可樂搵食——
《可樂生活》美食大賞
（特色飲品篇）
☟
Auntea care 姨媽熱飲
特色飲品：洛神山楂玫瑰大紅瓶
底湯採用若羌灰棗、儲良貢品桂圓、中寧枸杞，每日熬製一小時製成。飲品散發著花香與紅棗香，自帶天然甜味。整體味道比較濃鬱，酸酸甜甜，更有美容養顏功效！
C.C.z咖啡公司
特色飲品：超級咖啡筒
覆蓋著黑朱古力嘅甜筒，每日新鮮製作，口感卜卜脆。濃鬱嘅咖啡與sweet嘅甜筒，形成強烈嘅口味對比。一口甜筒，一口咖啡，味道就會中和，既不會太甜，亦不會太苦！
hom coffee
特色飲品：焦糖黑拿鐵
水泥色漸變分層，勾起不少人好奇心！其實佢係一杯採用牛奶、炭粉以及焦糖製作，不含咖啡因嘅飲品。口味方面，比較適合偏愛甜味嘅小夥伴！
MR.ROCKY洛奇先生餐吧
特色飲品：夜之精靈
採用最簡單嘅方式，將四洛克暗夜雞尾酒，與野格利口酒充分融合製成。當巨型泡泡爆破一刻，傾瀉下來嘅煙霧透著涼意，令呢款特別嘅cocktail，顯得更為冰涼清爽！
Till Late Studio調理酒室
特色飲品：阿凡達冰沙
孟買藍寶石金酒與聖哲曼接骨木花力嬌酒作為基酒，加入新鮮檸檬、新鮮西柚、蘇打水以及荔枝糖漿、藍柑糖漿調製。冰藍色嘅冰沙，望落都夠曬冰爽，亦可以揀無酒精版本噶！
大佬峰巴士
特色飲品：越南咖啡
喺本土茶餐廳飲越南咖啡，都幾有意思！越南手工咖啡壺中，放入越南咖啡粉，倒入熱水後經過5分鐘滴漏。將咖啡與底部煉奶攪拌均勻飲用，味道十分香甜！
彈王檸茶
特色飲品：新抱茶
呢杯係新式手搖氣泡檸檬茶，簡稱「新抱茶」！秘制斯裡蘭卡紅茶底，加上香水檸檬與南非黃檸「雙劍合璧」，清爽fresh。再混合氣泡充盈嘅泰國象牌梳打水，非常醒神！
酒癮咖啡
特色飲品：煙霧冰滴
煙霧由威士忌加乾冰而成，提取出威士忌嘅香氣。將煙霧傾瀉到裝有冰滴咖啡嘅香檳杯中，營造出「仙氣繚繞」嘅效果。飲嘅時候先聞到威士忌香氣，再感受冰滴咖啡風味，充滿層次感！
炑埜烏龍茶院
特色飲品：馬蹄烏龍
茶底由紅茶、烏龍拼配而成，加入咗香水檸檬製作，茶香、檸香具備，十分清新。再添上本土食材新鮮馬蹄，飲嘅時候可以食到清甜嘅馬蹄粒粒，有種獨特嶺南風情！
兔子角落·吐司專門店
特色飲品：咖啡檸檬茶
門店主打手作飲品之一，名稱看似直白，其實唔係字面望落咁單純。呢杯飲品用特製茶底製作，茶底加入咗帶咖啡味嘅中草藥。既有傳統檸檬紅茶嘅感覺，又會透出淡淡咖啡味。
午潼茶飲
特色飲品：粉粉茉香
茉莉花茶茶底，加上牛奶以及新鮮火龍果汁製作，底部仲有口感Q彈嘅芋圓！攪拌後茶飲呈現少女粉，入口茶香十足，味道自然清新，微甜不膩！
韻·Cocktail&Whisky Bar
特色飲品：重慶森林
菠蘿、蘋果、青黃檸檬、接骨木花、扁桃仁、紅糖，再加上朗姆酒、原味苦精調配而成。外觀充滿熱帶風情，果味較重，就似飲果汁一樣！
睇完以上咁多款飲品，
大家最鍾意係邊款？
覺得邊一杯至有創意呢？
不如即刻投票，
選出你覺得最正嘅飲品啦！
☟
投票截止時間：2019年1月14日00:00
粉絲福利
2020年1月13日前，
《可樂生活》美食大賞兩篇推文中，
留言講出你最支持嘅美食，
前5個最多人like嘅粉絲，
可樂君醒你一份新年小禮物！
記得嗱嗱聲投票啦！
資料來源：現場攝影
商家供圖
編輯：Junko
,
