黃宗澤有沒演過我和殭屍有個約會(我和殭屍有個約會翻拍電影版)
2023-08-10 15:17:24 1
作為亞視為數不多嘅神劇,《我和殭屍有個約會》於1998年首播後,6年間一共拍咗3部。
劇集算得上系港劇殭屍題材嘅巔峰之作,而男女主角尹天照、萬綺雯,飾演嘅「況天佑」及「馬小玲」亦深入民心。
最近就有消息指《我和殭屍有個約會》會翻拍電影版,並且由《我和殭屍有個約會》編劇、萬綺雯老公陳十三繼續擔任編劇,仲「升呢」做埋監製同導演。
電影版計劃今年10月在香港開拍。不過,不過——
片名會改成《我和馬小玲有個約會》。
系咪一時之間好難接受?
至於點解片名要改成「馬小玲」?網上傳得最似層層嘅就系因為,套戲同時會喺內地上映,而「殭屍」題材比較敏感,可能難於過審,所以唔會續用原名。
原本難得翻拍經典,都系件好事嘅,如果兩大主角繼續做主角嘅話。
不過唔系。
男主角「況天佑」一直盛傳系黃宗澤,而女主角「馬小玲」由原定薛凱琪,但因為傾唔掂,改為吳千語。
至於長腿萬二蚊,好可能只系出山客串一下,撐下老公咁話。
唔好藐嘴先。
起碼,吳千語都叫有大長腿。
起碼,兩代「馬小玲」都有機會同場演出。
講翻亞視經典,《我和殭屍有個約會》真系威水過。
《我和殭屍有個約會》於98年11月30日播映,由陳十三等人創作,尹天照、萬綺雯、楊恭如、陳啟泰、吳廷燁、張文慈等人所主演。
計翻都已經系24年前嘅事,如果你細個睇過,甚至嚇親過,而家都唔會再驚。
嗰個年代嚟講,劇集故事的確好創新,大講斬妖除魔,主線脈絡清晰,比起而家啲港劇,真系高質好幾倍。
特別系2015年TVB拍嘅題材相似嘅《僵》,嗰套,真系一言難盡。
當年《我和殭屍有個約會》首播時,同TVB臺慶劇《烈火雄心》大結局對撼半小時,雖然劇集最終只得10點收視,但對亞視來講,已經系唔錯,又贏到口碑。
到咗2000年3月《我和殭屍有個約會2》播出後再次爆發,TVB即以《創世紀2天地有情》迎戰,最終《我和殭屍有個約會2》結局當日獲得最高收視22點,佔該時段六成收視,打破咗TVB慣性收視定律,成為亞視經典作。
去到2004年播映《我和殭屍有個約會3》,由於故事難明,情節較前兩部更天馬行空,令觀眾較難接受,因此套劇聲勢已經大不如前兩部。
而《我和殭屍有個約會》嘅亮點,最大亮點——
就系萬綺雯每集都會著住短裙大show長腿,人氣急升嘅佢,成為當時當之無愧嘅宅男女神。
另一個亮點就系「馬小玲」每次出招驅魔時,都會講嘅九字真言「臨、兵、鬥、者、皆、陣、列、在、前」以及做手印,亦令人印象深刻。
隔咗咁多年,再翻拍,仲要系電影版,好聽就叫濃縮,唔好聽就系縮水。
仲要男女主角都完全唔同曬,所謂打著「原班人馬」旗號,可能變成打折扣。
再加上片名《我和馬小玲有個約會》,驟眼睇,有啲不倫不類,搞笑劇嘅即視感。
而翻拍經典,通常都系難以超越前作之餘,分分鐘,仲會成為爛片。
唔使舉太多例子,單單系《衝上雲霄》電影版、《使徒行者》電影版就系前車之鑑。
呢兩部改編港劇嘅港產片,票房同口碑都撲曬街。
希望《我和殭屍有個約會》電影版唔會炒車、唔會毀經典啦,雖然呢個機率都幾細下。
,