陳喬恩艾倫領證合照（陳喬恩艾倫新婚首秀）
2023-05-26 07:30:35 1
呢幾年觀察類綜藝紅極一時，
老公睇住老婆去玩嘅
《妻子的浪漫旅行》
就係其中嘅典型代表之一，
近日新一季節目又開錄啦~
據節目組工作人員放料，
《妻子的浪漫旅行6》
首站錄製地點定在內蒙古，
當然最終詳情以節目官宣為準哈。
而本季的4對夫妻嘉賓
亦已見有相關路透，
第一對嘉賓係鄭鈞&劉芸，
呢對夫妻合體上節目
絕對係本季的話題擔當。
一方面兩人都分別參與過
芒果tv嘅頂級IP綜藝，
而且節目表現都好有爭議。
《浪姐1》中嘅劉芸
雖然一公後就早早被淘汰，
但「抱團杯葛其他人」
「P圖只P自己」等行為惹吐槽
狠狠掀起過一波「黑紅」熱度。
正在參加《披哥2》嘅鄭鈞
一開始因為實力過硬、
接地氣、反內卷等討喜舉動
確實賺咗唔少路人緣，
不過隨住一公、二公嘅播出，
也有唔少觀眾在質疑佢
抱團擺爛、唔願跳出舒適圈。
而另一方面，
兩個人嘅相處模式好有睇頭！
正如鄭鈞為劉芸寫嘅《天敵》所唱：
「我們是最相愛的天敵」
兩人最初相處火藥味十足，
早年仲試過「互罵互毆」。
不過打打鬧鬧咁多年，
兩人反而越處越sweet~
而鄭鈞今次在《披荊斬棘》中，
也多次cue到老婆，
一時話多得節目組邀請，
讓「冷戰」緊嘅兩公婆暫時「休戰」。
一時又同老婆共用發箍，
暗暗放閃狂派糖，
唔知係咪提前預熱「妻旅」綜藝？
well~
自帶話題爭議 相愛相殺
用咁樣嘅愛情模式上節目，
諗落好有睇頭！
第二對夫妻嘉賓係
新婚未夠半年嘅陳喬恩&艾倫。
佢哋係通過芒果戀綜
《女兒們的戀愛2》相識、相戀。
因為陳喬恩同艾倫
係姐弟戀 明星搭素人，
其實好多觀眾當時都覺得
佢哋嘅甜蜜互動都係劇本，
並唔睇好佢哋會長久。
不過人哋甜蜜依舊，
更於今年3月正式拉埋天窗，
簡直繫戀綜節目的「滿分售後」。
今次再度合體上芒果節目，
似乎有答謝當年「牽線」之意，
順便趁機蜜月咁話。
第三對嘉賓係陸毅&鮑蕾，
呢對係內娛模範夫妻代表啦~
好多人對高產嘅陸毅比較熟悉，
其實鮑蕾都係一位優秀演員，
佢在《刁蠻公主》中
飾演嘅安寧公主應該係
唔少90後嘅童年/青春回憶。
陸毅同鮑蕾的愛情
萌芽於上海戲劇學院讀書時期，
「大二」時便成為甜蜜愛侶，
後來陸毅憑藉電視劇
《永不瞑目》走紅後，
兩人感情依然冇變談。
2006年陸毅和鮑蕾
結束10多年的愛情長跑，
從校園戀愛步進婚姻殿堂，
之後更升呢為一家四口。
後來陸毅仲帶過囡囡貝兒
參加過《爸爸去哪兒》添。
第四對嘉賓則係
啱啱誕下二胎嘅鄭愷&苗苗，
相比前面嘅嘉賓，
呢對同芒果臺嘅合作唔算多。
而且鄭愷早年仲炮轟過
芒果嘅《聲臨其境》亂剪輯，
今次合作都算係側面宣告
兩者關係終於破冰啦~
雖然鄭愷同苗苗
自從2020年官宣結婚以來，
兩年就兒女雙全，
妥妥的人生贏家，
而苗苗vlog中嘅幸福生活日常
也令眾多網友直呼羨慕。
但兩人其實甚少公開談及情感經歷，
所以網友對佢哋一直比較好奇，
今次難得高調合體，
相信也會係節目一大亮點。
呢個陣容令你期待嗎？
你最想提名邊對明星夫婦上節目？
歡迎留言同大家分享下吖~
資料來源：綜藝截圖、微博
網絡信息綜合整理
編輯：陳祉伶
審核：曾敏妍
籤發：駱蘋
*文中圖片版權歸原作者所有，
如涉及侵權請聯繫，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方靚仔可樂君（handsomecolor）
,
