女性連環綁架案電影(電影劇本香港小姐綁架事件)
2023-07-12 21:54:14
女性連環綁架案電影?一)時間:日,今天小編就來說說關於女性連環綁架案電影?下面更多詳細答案一起來看看吧!
女性連環綁架案電影
一)
時間:日
地點:野外及木屋
人物:仁夾、林風、女演員、數名匪徒、伍天六導演、副導、工作人員
∆ 仁夾竭力奔跑著,面上汗水淋漓。
∆ 仁夾跑進一間木屋內。
∆ 木屋內有一個被綁的香港小姐冠軍和數名匪徒。
∆ 數名匪徒大驚。
∆ 仁夾和數名匪徒拿起武器準備迎戰。
∆ 突然林風破木屋天花而入。
∆ 林風一個旋風腿飛踢兩個匪徒撞出窗外。
∆ 再回身一個手叉撃向另一匪徒咽喉,並順勢把他摔倒地上。
∆ 另兩個匪徒手持開山刀橫腰劈下。
∆ 林風跳起避過,在半空兩腿分飛,把兩名匪徒撞向牆壁而倒地。
∆ 仁夾欲舉槍突襲林風。
∆ 林風轉身用瞬間搶過手槍對著仁夾的額頭。
∆ 仁夾瞪著視死如歸的眼神盯著手槍,林風食指一動。
∆ 呯的一聲,仁夾中槍倒地。
— 伍導:CUT。OK,下個Shot。
∆ 仁夾爬起身來,沒理會身上的灰塵,立即走嚮導演。
— 仁夾:導演,可唔可以睇睇playback。
∆ 伍導沒有正面回答仁夾,只指示副導演滿足仁夾的要求。
— 仁夾:導演!導演……
— 副導:大哥!你又想點呀?……唔好叫喇。
— 仁夾:我覺得我企番起身果度唔系太好,無受咗傷果種痛苦……可唔可以同導演講唻多一次。
— 副導:啊乜……大哥,你唔好再比麻煩導演,佢要趕起今日個拍攝時間表,你唔好攪埋啲無謂嘢。
— 仁夾:副導,我個名叫路仁夾。同埋呢啲唔系無謂嘢。系作為一個演員嘅專業要求唻嘅。
— 副導:非常明白你。不過亦希望你明白作為一個專業導演亦要喺指定時間同有限嘅成本之下完成工作。唔可以因為一個咖哩……配……配配角因為自己做得唔好要求重拍而重拍。
— 仁夾:乜我做得唔好……喺我想做得更好。
— 副導:非常明白你。我哋每一個都想做得更好,不過又系果句,系唔超支同唔Over時間內可以考慮。但而家肯定唔啱時候!
— 仁夾:咁樣出街好假喎……
— 副導:咁呢個系你嘅演譯嘛。我哋相信你嘅專業。
— 仁夾:導演都有自己要求,我睇到,導演應該睇到嗰喎,唔可以咁輕易放棄藝術要求!
— 副導:啊乜……大哥!求你唔好攪我啦……我哋拍電視咋,啲觀眾系得閒無事做,系屋企等追節目嘅師奶阿嬸咋,你講果啲乜藝術,佢哋邊度識睇……
∆ 伍導突然出現。
— 伍導:仁夾,我想補番一場你逃跑嘅戲……部機放喺門口哩度,你去到果邊盡頭跑過來,畫面見到你由遠到近。明未?
— 仁夾:明白。咁頭先果場戲呢?
— 伍導:等陣再講,拍在呢個先。
∆ 仁夾依導演指示走去遠處。
∆ 伍導用手勢指示仁夾再走遠些。
∆ 仁夾再往更遠處跑。
— 伍導:你攪唔掂佢吖?靚仔,學嘢喇。睇下我點攪掂呢啲所謂有藝術要求嘅演員。
∆ 伍導揮手,仁夾從老遠跑來。
∆ 仁夾跑得氣喘籲籲。
∆ 伍導假裝看畫面,思考一會。
— 伍導:你比人追殺緊,而家似乎無生命危險,只系跑緊。再唻。
— 仁夾:我跑既過程做咗幾次望後面,強調我比人追喎。
— 伍導:系,你做咗比人追嘅情緒,但系生命有危險呢個至系重點。
— 仁夾:明白,我再做。
∆ 仁夾走回起點。
∆ 伍導再揮手叫仁夾跑。
∆ 仁夾做了多次回頭,更緊張地跌在地上,爬起身再跑。跌跌撞撞地急促跑來。
∆ 伍導假裝看畫面,思考一會。
∆ 仁夾已經上氣不接下氣,非常辛苦。
— 伍導演:好咗好多,不過你果下跌落地好似多咗喎……可以再做一次唔跌落地。
— 仁夾:(喘氣)導演,跌落地……系強調生命受到威脅,非常……危急存亡嘅情況……只向前衝……將……呼……生命有危險呢個……情緒表達出唻…
— 伍導:而家太誇張,太假喇。
— 仁夾:OK!OK!
∆ 仁夾再往回走。
— 伍導:(向副導)屌,同我講藝術。
∆ 伍導指示將機器移去下個場景。
∆ 仁夾在起點待了一會,看不見導演指示。
∆ 仁夾跑回原地。
∆ 仁夾看看四周,所有人已經移進屋內。
∆ 餘下仁夾一個人在一個空空蕩蕩的地方站著
∆ 他四周觀望,空無一人,冷風吹起沙塵,灰灰矇矇。
二)
時間:夜
地點:路仁夾家
人物:路仁夾、路老太
∆ 仁夾和母親在家吃晚餐。
∆ 電視機播放電視劇集。
∆ 仁夾:(用手機傳訊息給路老太)路老太,呢集有我份演。
∆ 路老太立即凝神看著電視畫面。
∆ 畫面是林風在野外追一個男人(仁夾,只見背影)。
∆ 那男人(仁夾,只見背影)跑進一間木屋內,
∆ 木屋內有一個被綁的香港小姐冠軍和數名匪徒。
∆ 數名匪徒大驚。
∆ 數名匪徒拿起武器準備迎戰。
∆ 突然林風破木屋天花而入。
∆ 林風一個旋風腿飛踢兩個匪徒撞穿窗口。
∆ 再回身一個手叉撃向另一匪徒咽喉,並順勢把摔倒地上。
∆ 另兩個匪徒手持開山刀橫腰劈下。
∆ 林風跳起避過,在半空兩腿分飛,把兩名匪徒撞擊牆壁而倒地。
∆ 林風轉身用手槍向那男人(仁夾,只見背影)開槍。
∆ 林風解救女人相抱擁吻。
∆ 此集完結。
∆ 路老太望著仁夾。
∆ 仁夾呆望老太,然後微笑,低頭吃飯。
∆ 路仁夾和路老太二人對坐,氣氛有點緊張。
∆ 路老太多次作出欲發言的姿勢。
∆ 路老太用手機傳一個流汗公仔的訊息給仁夾。
∆ 路仁夾用手機傳訊息給路老太。
∆ 仁夾:(訊息)老太,點解你只系用手機先同我傾兩句?
∆ 路老太:(訊息)點解……你記唔記得我第一次問你幾時有男主角做?
∆ 路仁夾微笑,回想十多年前。
— 仁夾母:你睇咁多書同咁多戲,有用咩?
— 仁夾:做好準備,到機會唻就唔怕喇。
— 仁夾母:你幾時做男主角?
— 仁夾:就快,我同期阿十華都做咗幾套劇主角,連阿雲都有得做,好快到我。
∆ 回到現在。
∆ 路老太:(訊息)等下等又幾年。
∆ 當年路老太看到電影派獎禮,便問仁夾。
— 仁夾母:阿十華又攞影帝,佢攞咗幾多次喇?連阿雲都早兩年攞過。唉……
∆ 仁夾看著只有一頁紙的劇本,以微笑回應。
∆ 回到現在。
∆ 路老太:(訊息)又過幾年,你仍然做唔到主角。
∆ 仁夾拿著厚厚的劇本。
— 仁夾:路老太,下部劇我有份演。
∆ 路老太沒回答他,只用手機傳簡訊。
∆ 路老太:(簡訊)系咪做男主角?
∆ 仁夾:(簡訊)做男主角個跟班。
∆ 路老太沒回答他,只用表情公仔回覆。
∆ 回到現在。
∆ 路老太:(訊息)咁你明白未!同你講嘢系嘥口水呀。
∆ 仁夾仍然保持微笑。
∆ 仁夾:(訊息)路老太,我好快會有主角做。
∆ 老太:(訊息)幾時?
∆ 仁夾:(訊息)好快啦。
∆ 老太:(訊息)幾時?
∆ 仁夾:(訊息)我有個諗法好正,我會搵監製傾嚇。
∆ 老太:(訊息)諗法?
∆ 仁夾:(訊息)綁架明星真人SHOW。
∆ 老太:(訊息)唉。
∆ 路老太失望地,執拾檯上自己的餐具離開,餘下路仁夾一個人坐在餐檯上。
— 仁夾:都系演出啫!(見母親沒回應,自言自語)舞臺表演、電視劇集,我都系演員。有乜分別喎。
∆ 路仁夾望著母親苦笑,然後輕鬆地繼續他的早餐。
三)
時間:日
地點:電視臺
人物:路仁夾、一哥、伍導
∆ 仁夾回到電視臺,在走廊上遇到製作總監一哥。
— 仁夾:一哥。
— 一哥:阿……
— 仁夾:路仁夾。
— 一哥:你個名去到口唇邊……拍完外景?
— 仁夾:系啊。一哥,我……我想……
— 一哥:咁多年同事,有乜唔怕講。
— 仁夾:一哥,我系度都廿年多,我同期阿劉十華都做咗幾次影帝。可以比個機會我,安排一下做主……要……啲角色?
— 一哥:哦!系咁之嘛。可以可以,我諗諗。
— 仁夾:一哥,你上次同上上次,再上上上次都話諗諗。你諗咗好多年。不如我比個諗法你啦。
— 一哥:哦……諗法,好啊。
— 仁夾:你幾時得閒,我詳細講比你聽……
— 一哥:得閒……呢排公司非常忙,唔系好得閒。攪緊香港小姐……
∆ 剛巧伍天六導演經過。
— 一哥:啊!我有個角色留咗比你……伍天六導演,香港小姐仲有啲角色未齊……佢啱。
— 伍導:哦……
— 一哥:今年會攪新意,用戲劇歌舞表演包裝。你好好做,今次做得好就一定開出戲比你做男主角。伍導,交佢比你。你哋傾下,我忙我嘅嘢。
— 仁夾:系,唔阻你,一哥。多謝一哥!
∆ 伍天六看著又是仁夾,感到無奈。
— 仁夾:導演,我個角色喺乜?
,