沈騰吐槽金晨完整版（三個少年救場沈騰撐場）

2023-04-18 18:11:41

近段時間受疫情影響，

多檔在播或將播S級綜藝嘅

錄製同排播都先後宣布延期，

唔少平臺都加班加點

緊急調整節目單。

好似浙江衛視就臨時推出咗

新節目《三個少年》空降救場，

前期官方宣發基本為0，

頭一日搞掂官博認證，

後一日直接官宣兼開播，

快到粉絲都收唔切風做物料。

呢檔由宋亞軒、唐九洲、

何運晨擔任固定MC嘅

互動演繹暖情訪談節目，

每期會邀請唔同嘉賓，

聚焦時下熱議話題，

進行觀點輸出與碰撞。

雖然從MC陣容、內容製作都

似乎略顯青澀、平庸，

不過低預期之下，

竟然有啲意外驚喜啵。

呢三位「少年」MC

雖然唔係大卡司，

不過都係綜藝老熟人啦。

何運晨最早為人熟知嘅，

係《令人心動的offer》中

的法律尖子生身份。

後擔任過幾期

《明星大偵探》偵探助理，

加盟過《名偵探學院》系列節目，

因喜感性格同高冷律師

形成極大反差萌，

成為後加入的「新院人」中

頗為受歡迎的小哥哥。

唐九洲最開始也係因

《名偵探學院》、

《密室大逃脫·大神版》等

綜藝節目而被人熟悉，

留下唔少「腦子不好」

「圖形達人」的高光名場面。

去年仲去咗《青春有你3》，

最後拿下成團名額，

成為男團IXFORM成員。

（不過因為某啲原因，

呢個男團成咗團又好似冇成團）

時代少年團成員宋亞軒

呢兩年加盟《王牌對王牌》後，

曝光率穩定，觀眾緣都幾ok，

雖然綜藝感麻麻，

不過話嗮係一直跟住

賈玲、沈騰等大前輩合作，

都有肉眼可見的進步。

唔知系咪考慮到

三位MC控場功力一般，

所以主持部分嘅工作依然由

「吳彤節目御用主持」

沈濤承包，

三位少年主要係俾反應。

另外《三個少年》

雖然話係訪談節目，

不過目前睇落，

主題定位有啲

類似TVB《後生仔傾嚇偈》

內容呈現則更加似

mini版《火星情報局》，

每個嘉賓都會在同一議題下

分享故事同觀點。

首期節目主題為

當下備受關心的「社交話題」，

開頭仲有一段

「開心麻花」精心編排嘅

喜劇sketch嚟引題，

5分鐘將社恐人群的表現

演繹得淋漓盡致，

都幾好玩下~

同時邀請咗

典型的「社恐代表」

脫口秀人氣選手鳥鳥，

同誓要將「騰化現象」

發揚光大嘅「沈騰」。

由於首期節目包含

大段主題介紹，

節奏比較緩慢，

所以「含騰量」其實只有半集，

不過好在幾位MC都算活潑，

互相接梗冇冷場。

後來騰哥控場後，

幾個後生仔都冇怯場，

落落大方仲好有point，

化學反應相當唔錯。

可惜節目編排上

有啲「迷之操作」令人費解，

比如安排大家在演播室內

齊齊沐足（？）

除咗有啲冇釐頭搞笑，

只能話《三個少年》

真係一個「有味道」的節目。

也因為呢一個奇怪環節，

嘉賓一時浸緊腳，

一時著住鞋，

暴露咗剪輯混亂的問題，

後期團隊的雞腿要掉了~

另外由於係衛視先播，

節目時長比較有限，

因此嘉賓們嘅觀點輸出part

略顯薄弱，缺乏深度，

也令太純粹嘅室內聊天

少咗一啲趣味性。

不過作為空降救場嘅《三個少年》

前幾期唔多唔少都有試驗性質，

相信節目聽到觀眾反饋後，

都會有所調整，漸入佳境，

大家不妨期待下~

資料來源：綜藝截圖、微博、豆瓣

網絡信息綜合整理

編輯：陳祉伶

*文中圖片版權歸原作者所有，

如涉及侵權請聯繫，立即刪除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細內容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。

官方靚仔可樂君（handsomecolor）