陳妙瑛電視劇tvb（無頭東宮劇組重聚）

2023-10-13 06:38:54 1

近日，向海嵐、張兆輝等

曬《無頭東宮》劇組聚會照，

不但有幾位主演難得聚齊，

連導演張乾文都有到場。

「皇帝」張兆輝、

東宮「凌雲」陳妙瑛、

西宮「楚楚」向海嵐、

加兩個「皇兒」敖嘉年、杜大偉，

劇中嘅一家人齊齊整整啦~

《無頭東宮》首播於2002年，

如果如今再翻煲

唔少朋友仔可能會覺得

「顏控」皇帝睇樣認人好「渣男」、

女主「凌雲」太過爛好人了、

強行大團圓結局好俗套咯……

不過喺當年，

呢套劇憑藉新奇設定

以及一班主演精湛嘅演技

觀眾睇完都好buy嘎。

換面、換頭嘅「童年噩夢」

令人又驚又想睇，

「凌雲」點樣攞番自己身份？

奸到出汁嘅「楚楚」

究竟會有乜結局？

呢啲劇情令觀眾牽腸掛肚。

以至於好多人一見到佢哋

就忍唔住哼唱主題曲：

「如眼睛可分對或錯，

這麼一瞬間看清楚我麼……」

如今廿年過去，

幾位演員再相聚，

個個仲冇乜點變樣，

勾起觀眾滿滿嘅回憶！

而呢幾位演員近年來

發展也各有不同，

年過花甲嘅張兆輝

近年常在內地拍戲，

雖然已經好少機會演主角，

但電影、電視劇依然戲約不斷，

我哋成日可以喺屏幕上見到佢。

兩個「皇兒」都好活躍

杜大偉目前仍服務於TVB,

大家時常能在《愛·回家》

《痞子殿下》《輕·功》等

劇集中見到佢嘅身影。

唔講唔知，

杜大偉早年喺大臺係

與林峰、黃宗澤等同期受力捧，

可惜當年「年少輕狂」得罪人，

後來就去咗主持兒童節目，

摸爬滾打咗足足13年，

直至近幾年先重返戲劇組。

雖然佢喺多數劇集中

都係做臺詞冇幾句嘅綠葉演員，

不過都有留下好多

令人印象深刻嘅表現噶。

同樣做咗多年配角嘅敖嘉年

早些年以惡少「蔣必文」、

命運悲慘但善良嘅「排骨仔」等

人氣角色逐漸嶄露頭角，

可惜遲遲等唔到上位機會。

幾年前同TVB約滿離巢後，

開始嘗試更多發展，

為自己嘅演藝事業覓新出路。

近年劇集產量唔算太高，

不過幾乎每年都會有

一啲新作品同大家見面。

而兩位女主角，

則已經多年不再拍戲。

以港姐冠軍入圈嘅向海嵐

一出道就備受力捧，

從《楊貴妃》《七姊妹》

到《胭脂水粉》等，

套套都係經典。

2008年，向海嵐宣布息影，

然後消失幕前多年，

做咗一段時間上班族。

幾年後籤新公司宣布復出，

客串過兩套內地劇。

到咗呢幾年，

佢最多喺一啲節目露露面，

已經好少入組拍戲了。

同樣港姐出身嘅陳妙瑛

當年雖三甲不入，

但入行後都備受TVB力捧，

主演過好多電視劇，

拍完《無頭東宮》後，

佢就離開咗TVB。

冇耐就宣布正式息影，

棄演從商，變成商界女強人。

近年只有在某些大型活動中，

先能見到藝人同佢嘅合影。

今次佢罕見亮相圈中人聚會

也令昔日粉絲大感驚喜。

講開又講，

去年杜大偉曾在採訪中

大爆陳妙瑛心思思想拍番戲，

仲話佢會嚟《愛·回家》客串兩集，

唔知今次聚會算唔算係

佢有意復出的信號咧？

well~流量密碼喺嗮度啦，

唔知有冇人真係咁犀利

搵佢哋幾個再合作下咁話咧？

MORE

今日娛樂看點

郭富城食出大肚腩？

由郭富城、梁朝偉主演嘅

電影《風再起時》正在熱映，

近日，郭富城在採訪中自曝

為呈現戲中的「中年暴富」狀態

專門增肥、食出大肚腩。

林峰佘詩曼再現"爆釘CP"

林峰、佘詩曼繼被拍到

合體錄製《無限超越班》後，

再被拍到齊齊現身

《我們的客棧》錄製現場，

兩人均以黑色皮衣上陣，

神還原《使徒行者》的造型。

吳千語否認已婚傳聞

周揚青、吳千語近日

一起合作拍攝時尚大片，

視頻中，周揚青將吳千語

稱為「已婚女士」，

隨後吳千語以5G網速發博

否認已婚傳聞，

並表示有好消息會和大家分享。

資料來源：劇照、微博、豆瓣

網絡信息綜合整理

編輯：陳祉伶

審核：曾敏妍

籤發：駱蘋

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細內容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。

官方靚仔可樂君（handsomecolor）